011_23 草子仔花
草子仔花，白麗皙， 阮兄罵吾不顧家。 顧了家內無吾得， 廳裡梳頭嫂也罵， 房裡梳頭嫂也罵。 M免罵！ 初一十五就欲嫁。 嫁何位？ 嫁頂姑知，下姑知， 三年二年才轉來， 吾未嫁， 柑仔未抽心， 轉來柑仔紅紉紉。 挽一粒，半路食點心， 嫂仔頭就欹，嘴就微， 嫂呀嫂： 頭免欹，嘴免微， 厝前厝後吾爹栽， 不是嫂仔您張嫁來。 （屏東） Chháu-chí-á-hoe, pe̍h-lē-se, goán hiaⁿ mē gún m̄ kò͘-ke. Kò͘ liáu ke-lāi bô gún ê, thiaⁿ--lí se-thâu só iā mē, pâng--lí se-thâu só iā mē. M̄-bián mē！ Chhe-it cha̍p-gō͘ tō beh kè. Kè tó-ūi？ Kè téng-ko͘ chai, ē-ko͘-chai, saⁿ-nî nn̂g-nî chiah tǹg--lâi, gún bōe kè, kam-á bōe thiu-sim, tǹg-lâi kam-á âng-jîn-jîn. Bán chi̍t lia̍p, pòaⁿ-lō͘ chia̍h tiám-sim, só--ā thâu tō khi, chhùi tō bi, só ah só； thâu bián khi, chhùi bián bi, chhù-chêng chhù-āu kóe-chí gún tiaⁿ chai, m̄-sī só--á lín chhù tiuⁿ-kè lâi. （Pîn-tong）