006_9 姑仔你來

姑仔你來嫂仔都不知，

今年田無做，冬無收，

飯篱吊韆鞦，

鼎蓋水裡泅。

欲買蚶，蚶厚土，

欲買肉，遇著人禁屠，

欲買菜，遇到掘菜股，

欲買魚，欲著風颱雨，

欲買豆腐要生菰，

欲買豆簽爛糊糊，

姑仔今年罔艱苦，

蕃薯簽，罔來餬，

食袂落去配菜脯，

等待天公有補所，

厚您兄收成一千圓，

刣豬刣羊來相補，

厚姑仔你食屆牙仔齴齴，嘴

土土。

（鳳山）

Ko͘-á lí lâi só--á to m̄-chai,

kin-nî chhân bô choh, tang bô siu,

pn̄g-lē tiàu chhian-chhiu,

tiáⁿ-kòa chúi--lí siû.

Beh bé ham, ham kāu thô͘,

beh bé bah, tú-tio̍h lâng kìm-tô͘,

beh bé chhài, tú-tio̍h ku̍t chhài-kó͘,

beh bé hî, tú-tio̍h hong-thai-hō͘,

beh bé tāu-hū ài seⁿ-ko͘,

beh bé tāu-chhiam nōa-kô͘-kô͘,

ko͘-á kin-nî bóng kan-khó͘,

han-chî-chhiam, bóng lâi hô͘,

chia̍h bē lo̍h-khì phòe chhài-pó͘,

tán-thāi thiⁿ-kong ū pó͘-só͘,

hō͘ lín hiaⁿsiu-sêng chi̍t-cheng kho͘,

thâi-ti-tó-iûⁿ lâi saⁿ pó͘,

hō͘ ko͘-á lí chia̍h kahgê-á giàng-giàng, chhùi

thó͘-thó͘.

（Hōng-soaⁿ）